حدا بصدق

بسم الله الرحمن الرحيم
معقول اللي عم نسمعوا كل ما بشوف حدا بيحكيلي عن الخطف والقتل والمتاجرة بالأعضاء هون عنا بدمشق
عم أسمع نفس القصص يلي ما بتنعد ولا بتحصى
شي عن وحدة عم تخطف الرجال وتاجر بأعضائهم و واحد عم ياخد حقائب البنات واحدووووو واحدووووووو واحد وووووووووالخ
والله ما بعرف اذا لازم صدق ولا لاء
معقول الشام ماعد فيها أمان
بصراحة بعد هالقصص ما اتأثرت بس أني صرت بفضي شنتايتي وما بحمل فيها شي مهم أبدا يعني بقيم الهوية والبطاقة والشهادة و ما بحمل الا حاجتي من المال و زيادة للضرورة بس
فشو رأيكم حدا عم يسمع هيك قصص ولا بس أنا

بالفعل هيك أمور صايرة كتير مو بس بالشام بكتير من دول العالم
أنا بمكان اقامتي والحمد لله فيها أمان
بأي ساعة بنزل فيها بلاقي سيارة شرطة عم تعمل جولة
بغض النظر عن الكاميرات الموجودة بكل مكان
وبرأيي أنه هاد الشي كمان لازم ينوجد بالشام متلها متل أي بلد تاني
بس أختي بالنسبة لموضوع الهوية بالعكس لازم تخليها معك بالشنطة حتى ولو صار في خوف من السرقة
لأنه كمان ما بيعرف الانسان شو بصير معه
أنا عندي اختي عملت حادث بالشام
و صارت بغيبوبة
ووقت أخدوها عالمشفى كانت حاطة باسورد لموبايلها
فما استطاعو بالمشفى يتواصلو معنا الا من خلال الهاتف المذكور بالهوية
فالانسان ما بيعرف شو مكتوب له
هلأ أنا معك أنه الحذر واجب بس كمان في أمور ما لازم نتجاهلها
لأنه بساعات الغفلة مابيعرف الانسان شو الي يلي بكون بحاجته
بس برايي الشخصي كمان
أنه لازم ننتبه لأي شخص بدق الباب
أو بيحكي معنا بالطريق حتى ولو كانت وحدة كبيرة بالسن عم تطلب مساعدة بامكاننا نساعدها بس مع أخذ الحيطة
بالابتعاد عن المناطق المهجورة او البعيدة عن التجمعات
وشكرا عالموضوع والله يحمي الشام وأهلها

بالفعل الله يجزيك الخير شام العز على الرد فعلا موضوع الهوية ضروري
والله يحمي الشام وأهلها

لك أنا اسمييييي شاام الغد
لك اتبح صوووتييي
أنا وعم قوول هييك
لك أنا والله مالي شاام العزززززززز
لك كم مررررة بده يصيير خربطة من الأعضاااء
أطالب الأدمين بتغيير اسمييييي

والله بعتذر و آسفة يا شام الغد والله بعد ما أرسلت الرد اكتشفت اني غلطانة
بعتذر مرة تانية

لا عادي اختي سامحك الله ما وصلت الشغلة للاعنذار
بعدين شام العز من أعز أصدقائي
بس كتبت هيك من شان باقي الأعضاء لانه صار هاد الشي صاير معنا أكتر من مرة
وشكرا كتير عالموضوع وبتمنى من باقي الأعضاء المشاركة ومعاودة النشاط