هل تستأثر بعلمك لنفسك

بسم الله
حطتولنا العجوز الهرم ويلا يلا يلا
والله اكتئبت قبل مااطبع كرمال الله يا جماعة وين مابروح بسمع بسيرته لك حطق من هالسيرة وهلأ اجى وقت لحتى نتناقش بموضوع جديد وهو هل تستأثر بعلمك لنفسك

بصيغة أخرى: إذا كان عندك معلومة حصلت عليها بعد دراسة وبحث وتمحيص, وطلب منك أحدهم تساعدو وتدلو عليها فشو بتعمل؟
هالشي كتير بيصادفنا بالحياة, يعني انسان تعب على حالو وصار عندو خبرة بشغلة ما هو مميز فيها بشغلو وطلب منو أحدهم أنو يعلمو ياها, فشو لازم يساوي؟
يعني إذا وافق بجوز يصير معو متل ما صار مع أحد معارفي, كان يشتغل عند أحد المحال, طلب منو مدير الشركة يعلم ابن أخوه هالتقنية, وهو ما كذب خبر وعلمو ياها, ليتفاجأ أنو بنهاية الشهر طلب منو المدير الرحيل لأنو ابن أخوه حل محلو.
وإذا كتم خبرتو وما علموا فهو بخطر التفنيش كمان, ما عدا أنو الرسول صلى الله عليه وسلم حبذ عدم كتمان العلم حيث قال:" أفضل الصدقة أن يتعلم المسلم علما ثم يعلمه أخاه المسلم". و عن سلمان الفارسي رضي الله عنه قال: "علم لا يقال به ككنز لا ينفق منه".
وعن المسيح قوله "من تعلم وعمل فذاك يسمى عظيما في ملكوت السماء" ، وعن المسيح عليه السلام أيضا "علم مجانا كما علمت مجانا". مصدر

مثال تاني: طالب أثناء دراسته المعمقة اكتشف بعض النكشات بالوظيفة أو معلومات دقيقة للامتحان, فشو يعمل؟ يستأثر بهالمعلومة لنفسو ولا يشرحها لرفقاتو اللي بدورن رح يشرحوها لرفقاتهم وتنتشر بكل الكلية؟

وعلى هاد ومتلو, المهم أنت شو رأيك؟

مشكور أخ حيدرة
أنا رأيي أنو الانسان لازم يكون نبع للخير مو ساقية جافة
و في أية كريمة بتقول ( و أما بنعمة ربك فحدث ) و حديث شريف ( ليس منا إلا عالم أو متعلم )
و حديث تاني ( خيركم من تعلم القرآن وعلمه )
الرسول الكريم عليه الصلاة والسلام كان معلم و ما كتم شي من يلي علمه اياه رب العالمين حتى لما عاتبه الله عزو جل لم يخفي ذلك أو يكتمه ( سورة عبس ) ومع ذلك ما كان عم يستنى مقابل من أي شخص و إنما ترك أجره على الله عز وجل ونحنا لازم نقتدي برسولنا و حبيبنا و ما نخاف اذا راحت وظيفة أو يلي علمته تكبر عليي أو صار أحسن مني
بالعكس تمام مجرد أنك تكون معطي أكثر ما تكون أخذ فهذا الشيء لوحده اتباع لنهج الانبياء و ثوابه عند الله كبير
ياريت كل واحد منا يعلم التاني يلي ما بيعرفه هيك ما منشوف أبدا شي اسمه جهل
و منحقق القاعدة يلي بتقول ( يجب أن تعرف كل شيء عن شيء و شيء عن كل شيء )
و الرزق على الله .......

هو الصراحه الصح انه الواحد ما يحتفظ باي علم مفيد ليفيد الناس
بسسس عنا بمجتمعنا از ابتحكي معلومه بيئبو عليك امة لا اله الا الله
وبيطلعو كلون دكاتره وشيوخ وفلاااسفه
والشاطر الي بدو يسبتلك انو هو الفهمان
يعني نحنا العرب مو شاطرين غير بالنقد عمال على بطال
شو معي انتو هلئ بيطلعلي ميت معترض
اي تقبلو مروري وخلوني اتيسر