عجوز هرم

والله ياأخ رياضو شو بدو يحكي الواح ليحكي الواح على كل حال بألك المتل آسآل مجرب ولا تسأل حكيم
المهم معلمي انا خلصت هالهم الكبير يلي اسمو الخدمة الألزامية وعقبال كل واحد مو خادم عسكرية يا رب وبالنسبة للدراسة حبيب هادا الشي بتقررو حسب المنطقة يلي عم يخدم فيها الواحد يعني بعد الفرز اذا كانت الظروف مواتية للدراسة ولا لاء ولذلك ما حدا بيأدر يحزر اذا كان في يكمل دراسة قبل ما يمشي ولا لاء وانا هاد رأيي طبعا ومشكور عطرح الفكرة بالموضوع أبو الروض

الحمد لله أخي رياضو أعتقد أن الانسان إذا أراد شيئ ما يستطيع أن يصل إليه و لا يوجد شيئ اسمه المستحيل و برأيي أنت تسطيع أن تدرس و أنت في رحلتك مع عمو العجوز و أن تنجح و بتفوق أيضا و لكن بالعزيمة والارادة لا بالتسويف و الكسل
بالتوفيق

اذا حطيت عقلك براسك ممكن يصير معك اي شي
يعني ما في شي بيوقفك عن دراستك
حط هالحكي ببالك ولا توقف
والله يوفقك باي شي بتقرره وبدك نصيحتي..... اعمل استخارة

أنا ما عندي عسكرية وما بفهم كتير بالموضوع
لكن بعرف أنو إذا كنت عم تدرس فيك تأجل العسكرية لتخلص دراسة مو
الله ييسرلكون جميعا و إنشاء الله انتو الكل بتخلصو منها
بعدين بيني و بينكون ما بتئلو لحدى
شباب هي الايام كلهون لازمهون عسكرية
لا تستغربو لأنو الشب ما بيصير رجال إذا ما راح عليها
لا تزوروني
أنا هيك رأيي

اول شي باتشكرك كتيييير على مساهمتك
بس يا انسة ياسمين
الشب يلي عم احكي عنو انا ما بدو يأجل العسكرية مشان دراستو
يعني متل ما حكيت مشان ما يجي يوم و يقول " ضوعت سنة ونص من حياتي على الفاضي مع هالعجوز "
بيصير يدرس و يعمل عسكرية بنفس الوقت
بهالصورة بيستفيد ولو بشي بسيييط من الوقت يلي حيقضي بالعسكرية


و بالنسبة للرجال ما بيصير رجال من دون عسكرية
فانا لا اوافقك الرأي ابدا
و لدي من الامثلة ما لا يعد و لا يحصى بالنسبة لرجال بكل معنى الكلمة لكن من دون عسكرية

و لك جزييييل الشكر

الله يخترلك كل خير يا رياضو
ومنيح يلي في رجال بدون عسكرية
لأنو منظركون وئت تروحوا على العسكرية بيحزن
يعني بزعل عليكون ابتتئهرمو كتير
قلبي طيب ......

بسم الله
لك ايه من الصمصومة شيت قلبي حسبي الله ونعم الوكيل
يالا ابو الروض بكرة بمعيتك منغني انا بكرة رايح عالجيش
بقى شد الزوادة ووصي الحجة انو تدعيلك وتدعيلنا بطريقها
وبوصي كل عضو من اعضاء هالمنتدى الله يكرمكم ادعو لنا انو الله يسر لنا وما نتهبدل
بس بتعرف في رفيقي قال لي انو خدها بالوجه الايجابي انك بتتعرف على كافة الاجناس والفئات وبتزيد معرفتك بهالعالم وهي خبرة اكيد مو وين ماكان بتكتسبها

اما انت يا اخت ياسمين الله يتم عليكم بس لاتزعلي من علينا بس ادعي لنا ومنكون نحنا ممنونين

نحنا يا سيد حيدرة وكل أعضاء المنتدى عم ندعيلكون و قلبنا معكون
و متل ما قلت الواحد لازم يا خذ كل شي بالبوجه الايجابي تبعو
هنن سنة ونص وبدون يمضو فالاحسن انو يمضو و انت مبسوط
أحسن مايمضو و انت عايف حالك
موفقين و ان شاء الله جاينا الدور نحنا فلذلك ادعولنا بالمعية
سلملي على وائل كفوري

يا جماعة يا جماعة ليش مكبرين الموضوع كلا سنة ونص متل ما قال اخي شام العز يعني:
بدك تتبهدل وتتمرمط وتروح وتجي وتصرف وتقيم وتحط .... وبعدين؟
اسألوا يلي راحوا عالمعسكر الجامعي شو بيتذكروا منو؟
انا شخصيا متذكر اللحظات الحلوة واللي بتضحك لذلك ما بدها هالدرجة توكلوا عالله وروحوا



ملاحظة: انا عم اتفائل لاني انا التاني رايح عالجيش

على فكرة أخي رياضو فكرتك حلوة بالدراسة و الجيش سوا و هي أول مرة بسمع هالسمعة
بس شو بدك تعمل معقول وأنت بالجيش تدرس يعني ممكن يكون في اجازات بتكفي فترة الفحص و كم محاضرة بالجامعة و خصوصي اذا كان الفرز بمكان بعيد عن الدراسة ؟
دائما بقول ليش غالبية الشباب ما بيحبوا العسكرية؟ فعلا و بدون زعل متل ما قالت ياسمين أنو ..........
ما بيصيروا الشباب رجال ممتازين الا مع الجيش(هاد رأي موحد أنثوي) , و معنى رجال هون مو رجال الأخلاق لا يعني رجال بالقوة و تحمل المسؤولية , يعني على مين بدنا نعتمد بالدفاع عن هالبلد مو صفيان غير نحنا البنات نروح على هالجيش و نخلصكم من هالهم الختيار
بس في شي سيء بيصير بكتير من الشباب لما بيروحوا على الجيش للأسف بيتعلموا الدخان و كم شغلة سيئة (أكيد مو الكل بس الغالبية)وكلمالها نسب المدخنين عم تزيد بين الشباب
الله يعافينا و يعافيكم فاذا رحتوا على الجيش ديروا بالكم على حالكم منيح ماشي أكيد هي وصية
ومتل ما قال أخ عوجة انظور للشي المسلي بالعجوز السمرا يالله بعد الجيش بيصير كل هاد مجرد ذكرى مو أكتر
آخر شي ظريفة تسمايتك للجيش بالعجوز الهرم حلو هالتشبيه

بسم الله
ايه سبحان الله اخوتي بالموضوع في نواحي ايجابية كتير يعني الاعتماد على النفس وكتير شغلات منيحة
وبالنسبة للتدريب الجامعي الله يرحم هديك الايام سألو ابو الروض شوعمل شنططنا شنططة غير شكل مو هيك ابو الروض
بس بالمعسكر التاني ايه الله يرحم ايامو والله انبسطنا على 24 ايه ادعولنا انو يجي فرزنا بمنطقة هينة مافيها عذاب اميــــــــــن

جهزوا شنتاتيكم ابو الروض وابو العوج وحيدور يعني انا
الله يهونه علينا ويكفينا همه وغمه بماشاء وكيف شاء

اول شي و قبل كل شي باتشكرك GHINA على مشاركتك
بالنسبة لموضوع الرجال
حددت رأيي بمشاركة قبل هي
اما بالنسبة للمحاضرات و الامتحانات
فالموضوع فيو شوية صعوبة
يعني المحاضرات اكيييييد مارح نحسن نحضر و لا محاضرة

اما بالنسبة للامتحانات
ففي مرسوم رئاسي بهالموضوع يسمح للعساكر باخذ اجازة يوم الامتحان بعد ابراز اوراق الثبوتية
بس مو هون القضية
القضية اذا كان موقع عسكريتي بالحسكة
و انا مسجل بجامعة دمشق
و عطوني 24ساعة اجازة

بهالحالة

شو بيكون موقفي


انا بقلك
موقف مأساوييييي للغاية
يمكن حط راسي و نام بالامتحان

على كل حال

اللهم يسر و لا تعسر

و الدعاء هو يلي لازمنا هاد الوقت

و لكم جزييل الشكر

آمين
الله يخترلكم الخير و يوفقكم

أنا بحب أشكرك سيد رياضو على هل موضوع الجميل ويلي عم يعانوا منو كل الشباب وبحب ألفت نظر الأعضاء في المنتدى أنو السيد شام العز صرلو سنتين عم يأجل الجيش قال شو عندو دراسة قال يعني وأخيراَ بحب أتشكر أحلى مشرف بالعالم (شام العز)مني أنا روح الشام

و الله يا روح الشام عم نستنى رحمة الله
ما بتعرف من هون لشي سنتين شو بيصير
خلينا قاعدين لصير وقته هلق بكير الايام جاية

إن شاء الله إلهي سندي ومولاي يساوووووا عسكرية للبنات
علشان بس تعرف البنات شو معنى العسكرية
قال الشباب لازمهم عسكرية قال ..........